الجميع يشارك في القصايد المسموعة

[الهاجس]

الشعر هو تصوير للواقع .. وخيال يمزجه الشاعر ليظهر لنا كلوحة جميلة ..

ننتقل معه من غيمة إلى أخرى .. نشاركه أفراحه .. وهمومه وأحزانه ..

تختلف الطرق من شاعر لآخر ..

الشعر يعلمنا .. ويزيد من مفرداتنا .. ويزيد من جمال ذائقتنا ..

أحب الشعر واحب قراءة الشعر .. ولكن ربما يكون الإستماع أجمل ..
وياليت تتفاعلون مع الموضوع والكل يترك لنا قصيدة مسموعة هنا
الموضوع للجميع .....................

الهــــــــــــــــــــــــــــــــــاجس

[لسعة شقآوهـ]

الهــآجس
فكرهـ رـآئعهـ اخوي ،،
لي رجعه ان شاء الله مع قصائد مسموعهـ احبهـآ ،،
يُثبت ،،
مودتي ،،

[أميرة نفسي]

الهاجس ...

ألف شكر أخوي .. فكرهـ في منتهى الروعه
وإنشالله تلقى تفاعل من الاعضاء ..
وفعلا تستحق التثبيت زي ماقالت لسعة شقاوهـ

أما بالنسبه لي آخر قصيدهـ سمعتها كانت / لـ حامد زيد ...

السفينهـ ... يقول ::

ضاقت وساع الفيافي والوعد متن السفينه
لـ الطريق إللي دعاني بعد أمان الله وأمانه


لاتناديني وصوني قلب (ش) الله لا يهينه
لايرآهن في رجوعي لجل مايخسر رهانه

ليه مرحل عن غرام(ش) بعد ماذقت الغبينه
إذكري لي شيء وآحد يستحق أقعد عشانه

وبس عاد ماادري الكتابه صوح والا غلط


تقبل مروري وكل الاعجاب بروعة ماطرحت

ودي لكـ

::

[الهنوف]

الهاجس


الفكرهـ حلوهـ جدا ونقدر من خلالها نجمع اكبر عدد ممكن من القصائد مشكور على الموضوع



بس عندي سؤال اذا ممكن اقدر انزل اكثر من قصيدهـ يعني اليوم وحدهـ وبعد ثلاث ايام مثلا



وحدهـ ؟


والقصيدة الي بخطها لكم حقة ياسر التويجري الي في مصر



هذه كلمات القصيده
البارحـه فـي يـوم عـشـره ينـايـر
ثارت علـى الـراس المحمّـك ثوايـر
حاولـت اغيّـر فـالزمـان المغـايـر
ولا حصل لي شي غيـر الـذي صـار
الله يـعـزك ياقـضـيـة فلسـطـيـن
مـن اربعينـك اليـن سبعـه وستـيـن
ومـن اولـك واليـن بكـره وبعـديـن
لولاك كـان تضيـع نشـرات الاخبـار
حنـا عـرب نعـم عـرب يـا أوربـا
ماعنـدنـا الا جـبـن والا مـربّــى
الشـخـص منـنـا لاتبـيـن تـغـبّـا
وهـذي سياسـه للهُدوْ قبـل الاعصـار
سيوفنـا وقــت المـلاقـا شطـيـره
يعنـي علـى ماقيـل مثـل الشطـيـره
وهـذا دليـل(ن) مـع نقـاء السريـره
والله يجيـب الخيـر ويطيـح الامطـار
ســلام يـابـوش الابــن يالمـبّـدى
ياللـي علـى كـل المـبـادي تـعـدّا
طيـب .. لـو نعـم ربـعـي تــردّى
وقدامـنـا جـلـه وقدامـنـا نـــار
ياكندليـزه رايـس اهـلا(ن) وسهليـن
يـام الجمـال اللـي يهـز السلاطـيـن
غنجك ذبح لـه فـوق خمسـة ملاييـن
هـذي ضحايـا والضحايـا بـك كثـار
فخامـت الرئيـس حسـنـي مـبـارك
يحفـظ جـزء عمـى وينسـى تبـارك
وأكبـر دليـل انـه يقـود المـعـارك
مـو اقفـه لاجـات حـزات الاخطـار
القاهـرة بـلـد حـظـاري وبـطـران
فيها البنـات انـواع واشكـال والـوان
مـن هارديـز اليـن مـيـدان لبـنـان
وأحسن بنات اللي يجن طـرق وصغـار
ورموشهـن شبريـن وعيونهـن سـود
وأنعم من الديباج وأرهـف مـن العـود
لبـاس مـن حلـوى وحجّـان وخـدود
كسلات في الممشى وفي الغنـج شطـار
أنـا هنـا يمكـن قبـل أربـع اعــوام
رحت اتمشـى عنـد هامـات الاهـرام
وركبـت مـع تكسـي وقـدام قــدام
حـتــى تعـديـنـا بـقـالـه ودوار
وجينا وأثر فيهـا خيـول(ن) عريبـات
أجدادها قـد شاركـت فـي الغـزوات
اجارهـا يمـكـن بـاربـع جنيـهـات
وزَوّد صـفـر ولاتـدقـق بالاسـعـار
أخذت لي خيـل(ن) وكربـاج وأقفيـت
يعنـي علـى قولـت عنيـت وتمشيـت
وياليتنـي مــع المقـاديـر ماجـيـت
ولا رأيـت اللـي يهستـر بالانـظـار
فيهـا البـنـات يسابـقـن الرياجـيـل
اللـي عليـهـم ضيّـقـات البناطـيـل
فـوق الخيـول يجـاذبـن المـواويـل
مهـار لكـن فـوق قبّـات الامـهـار
غازلـت لــي وحــده ولاعبرتـنـي
حلـوه وفيهـا مـن ملامـح (برتنـي )
وأقفيت اشيـل الهـم مـن فـوق متنـي
عقـب ماقالـت لـي حيـوان وحمـار
وأنـا مانيـب انسـان واطـي وسافـل
أنـا مـن اللـي يحكـمـون القـوافـل
أحيـان مكفـول(ن) وأحـيـان كـافـل
و اكره ماشوف الظلم .. والذل .. والعار
أبترك الموضـوع وأدخـل بموضـوع
دام ان صوتي عند ( الاجواد ) مسمـوع
نبينـا (محمـد) ولاهـوب (يـاسـوع)
المصطفى الهـادي شفيـع(ن) للابـرار
لـو انتحـر صـدام مـن قبـل ينهـان
وخـلاّ المشاكـل كلهـا فـوق بـرزان
مكان مصخـر بـه قـدم كـل الاعيـان
عزيـز قـوم(ن) ذل بيديـن الاقــدار
(سبيس تون) ان كان في النـاس حيـره
أفضـل بواجـد مـن قنـاة الجـزيـره
تضحّـك ال+++++++++ـان وقـت الظهـيـره
وهـذي تبكينـا اليـا جـات الاخـبـار
ختامهـا مـدري وش اقــول لـكـن
ماحب انـا أسمـع اغنيـة (الاماكـن )
من ثقل همـن بيـن الاضـلاع ساكـن
الله يحرول سـاق رجلـي عـن البـار
مودتي

[الهاجس]

هلا خيتو لسعة شقاوهـ


منورة الموضوع بطلتك الحلوة و الرائعة
وتشكراتي على التثبيت يالغلا

وانا في انتظارك

[الهاجس]

هلا خيتو اميرة نفسها


نورتي موضوعي وزاد تألقاً بحضورك الرائع

وانشاء الله الاعضاء يتفاعلون مثل ماقلتي

[الهاجس]

هلا خيتو الهنووف

يعافيك ربي الاحلا حضورك وطلتك الرائعة
اكيد خيتو نجمع اكبر عدد من قصائد شعارنا الفطاحلة حتى نستمتع من سماع اصواتهم ومخارج حروف واوزان قصائدهم والفايدة للعموم
اكيد ممكن بنسبة لسؤوالك
وننتظر ابداعك في صفحتي

[الهاجس]

وهذي مشاركة

القصيدة هي رئعة الشاعر الامير/ محمد الاحمد السديري يرحمة الله بصوت حامد زيد

7amed-alrfyk-almwaly.mp3 - 4.08MB (http://www.zshare.net/audio/20128808124f34ac/)


وهذي ابياتها

يقول من عـدا علـى راس عالـي
رجم(ن)طويل يدهلـه كـل قرنـاس
في راس مرجـوم عسيـر المنالـي
تلعب به الارياح مـع كـل نسنـاس
في مهمـة قفرمـن النـاس خالـي
يشتاق له من حس بالقلب هوجـاس
قعدت فـي راسـه وحيـدا لحالـي
براس الطويل ملابقه تقـل حـراس
متذكرافـي مرقبـي وش غـدالـي
وصفقت بالكفين ياس علـى يـاس
اخـذت اعـد ايامـهـا والليـالـي
دنيـا تقلـب ماعرفنـا لهاقـيـاس
كم فرقـت مابيـن غالـي وغالـي
لوشفت منهاربح ترجـع للافـلاس
ياما هفـا بـه مـن رجـال مدالـي
ماكنهم ركبواعلـى قـب الافـراس
ولاقلطوهـن للكمـيـن المـوالـي
ولاصارفوق ظهورهن قطف الانفاس
ولارددوا صـم الرمـك للتـوالـي
كل يبي من زايـد الفعـل نومـاس
من بينهم سمـر القنـا والسلالـي
مثل البروق برايـح ليلـه ادمـاس
يقطعـك دنيـا مالهـااول وتـالـي
لو اضحكت للغبن تقرع بالاجـراس
المستريح اللي مـن العقـل خالـي
ماهوبلجـات الهواجيـس غطـاس
ماهـوب مثلـي مشكلاتـه جلالـي
ازريت اسجلهـن بحبـر وقرطـاس
حملـي ثقيـل وشايلـه باحتمالـي
واصبر على مر الليالـي والاتعـاس
وارسي كماترسي رواسـي الجبالـي
ولايشتكـي ضلعاعليـه القـدم داس
يابجاد شـب النـار وادن الدلالـي
واحمس لنا يابجاد مايقعـد الـراس
ودقــه بنجرياظـريـف العيـالـي
يجذب لنا ربـع علـى اكوارجـلاس
وزله الـى منـه رقـد كـل سالـي
وخله يفوح وقنـن الهيـل بقيـاس
وصبـه ومـده ياكريـم السبـالـي
يبعدهمومي يـوم اشمـه بالانفـاس
فنـجـال يـغـدى ماتصورببـالـي
وروابع تضرب بها اخماس واسداس
لاخـاب ظنـي بالرفيـق الموالـي
مالي مشاريـه علـى نايـد النـاس
لعـل قصـر مايجيـلـه اظـلالـي
ينهد مـن عالـي مبانيـه لسـاس
لاصارمـاهـو مـدهـل للرجـالـي
وملجا لمن هويشكي الظيم والبـاس
بحسناك يامنشـي حقـوق الخيالـي
ياخالق اجنـاس ويامفنـي اجنـاس
تجعـل مقـره دارس العهـد بالـي
صحصاح دو دارس مابـه اونـاس
البـوم فـي تالـي هدامـه يلالـي
جزاك ياقصر الخنا وكـر الادنـاس
متـي تربـع دارنــا والمفـالـي
وتخضرفياض عقب ماهيـب يبـاس
نشـوف فيهـا الديدحـان متوالـي
مثل الرعاف بخصر مدقوق الالعاس
وينثرعلى البيداء سـوات الزوالـي
يشرق حماره شرقة الصبغ بالكـاس
وتكبر دفـوف معبسـات الشمالـي
ويبني عليها من الشحم مثل الاطعاس


لكم تحياتي
:image26:

[الهاجس]

هذي قصيدة رائعه من قصايد الشاعر المبدع

محمد الجارالله السهلي من قبيلة السهول من سبيع القبية المعروفة

كويتي الجنسية

http://www.kuwaitup.net/up/uploads/5169-452-6040.jpg (http://www.kuwaitup.com/)


وهذي القصيدة لتحميل!

asab sual.rm - 0.39MB (http://www.zshare.net/download/20225973cf82378f/)

[أميرة نفسي]

وهذي قصيدهـ ((أصعب سؤال )) للشاعر محمد السهلي

تعجبني كلماتها كثير ..

اصعب سؤال اللي جوابه للأسف مثله ( سؤال ) !!
ما هو تفلسف !! الا موقف صار واسمع " ثاني بيت"


البارحه يومه سأل : ( وش ذكرك ذيك الليال ؟ )
كان الجواب بكل بساطه : ( من متى اصلا نسيت ؟ )


ادري بان جمع ( الصعوبه والبساطه ) شي محال !!
لكنها صارت كذا ! واللي (( اهم )) اني دريت :


ان الحياه فبعد احبابك اذا جف الوصال
اتعيشها لو تقتنع انك خلااص اصبحت ( ميت !!)


يا صاحبي لو كل شي يمر بالخاطر يقال
ما كانت العبره تولجني اليامنك طريت ؟!


شفني قدرت احبس دموعي بس ( دمع القاف ) سال
ويا كبرها ساكت ولكن داخل اوراقي بكيت !!


عمر الحكي ما كان دافي لاابتدى بقولة تعال
لجل اتجاهل رجفة حروفي اليامني حكيت ..


الحال في بعدك قسم بالله ما اسميه حال
انوي على الضحكه واحس كلي خطا لاني نويت ؟!


اتصور انك من رحلت اشوفك لجسمي ظلال
لا شفته امشي ببتعد واثره معي مهما مشيت !!


مدام يعني في بحرك لفرحتي مليون جال
وش فيه موجك ما ركد ؟ قربت اموووت وما رسيت ..


يرضيك ما عادت معي تفرق اذا جالك مجال
لاني اقتنعت انك نهايه واني ببطي ما بديت !!


صرت ( اعقد حجاجي ) اذا جابوك باطراف الجدال
وانا قبل لاقالوا اسمك كني : ميت ثم حييت ..


تعبت اعيش الدور وافتح للمعاذير الخيال
واتخيل اني جيت في بالك وبانك استحيت ..


وتردلي كلك (( وله )) وتقول : ( كن البعد طال؟ )
ومن الفرح ما عاتبك واقول : ( ياخي مابغيت ! )


حتى وانا تخيل حشمتك ! لن قلبي لا يزال
يكرر اسمك داخل اعماقي بنبضه لا سهيت ..


قلي شسوي فيك ؟ وانت بداخلي اصدق مثال
للحب واحساس القصيد ان عانق الليل وسريت ..

ربي يصبرني على الفرقا مدام الحظ مال
وانت بيجيلك يوم تعرف ليه في بعدك شكيت ..


واذا بلاك الله وعذبك اشتياقك (( بس تعال ))
واقرى القصايد في غيابك كل ابوها بيت ... بيت ..


بتدرى ان ( اصعب سؤال ) اللي يجي رده ( سؤال )
لا قلتلي ( وش ذكرك ؟ ) ثم قلتلك ( متى نسيت ؟ )

[الهاجس]

يعطيك العافية اختي اميرة
وننتظر مشاركات اخواني واخواتي اعضاء منتدياتنا الغالية وتفاعلهم الحماسي الرائع

[الهاجس]

شيلة رائعة لشاعر المبدع / مرير بن عبد المحسن الحبيل العتيبي

الليله اللـي قمرهـا ساطـع نـوره
يضفي على الارض نور كانه الشاشي
في مجلسللنشاما كثـرة حضـوره
من بينهم ما توحى كلمـة الواشـي
__________________________________ saleh.wav - 3.42MB (http://www.zshare.net/audio/507635594af8ca24/)

[ام ريماس]

الله يعطيك ااااااااااااالف عااااااااااااااافيه


الله لايحرمنا من جديدك